ДзяржСМІ апублікавалі ВІДЭА, як захопліваюць украінца, падазраванага ў дыверсіі ў Мачулішчах
Як сцвярджаецца, захоплены Мікалай Швец, арыенціроўкі на якога сілавікі распаўсюджвалі раней.
07.03.2023 / 18:53
Сілавікі затрымлівалі нібыта вельмі небяспечнага злачынцу ў колькасці і абмундзіраванні, як звычайна затрымліваюць за рэпосты ў тэлеграме ці па «народным» артыкуле.
На відэа мужчына нібыта чакаў, што за ім прыдуць. А дзверы нібыта былі наогул адчыненыя.
У відэа, выкладзеным пазней, мужчына паўтарае ўсё тое, што раней было агучана Лукашэнкам.
Ён 1993 года нараджэння, грамадзянін Украіны. У Беларусь, кажа, трапіў па расійскім пашпарце.
Адказваючы на пытанні за кадрам, хлопец кажа, што ён падарваў самалёт на аэрадроме Мачулішчы з дапамогай двух дронаў.
«Я працаваў з СБУ», — кажа ён на відэа.
Раней яго сястра казала журналістам, што Швец быў дома ў дні дыверсіі.
Чытайце таксама:
Аляксандр Лукашэнка распарадзіўся «правесці па ўсёй краіне жорсткую зачыстку»
Сястра «дыверсанта» з міліцэйскай арыенціроўкі: Ён быў дома ў гэтыя дні
Азараў пракаментаваў словы Лукашэнкі наконт украінскіх дыверсантаў і затрыманых
КДБ фактычна пацвердзіў, што да дыверсіі ў Мачулішчах меў дачыненне «Байпол»