Padalak: Dziejańni suprać rasijskaha samalota ŭ Mačuliščach — sprava ruk miascovych partyzan
Daradca kiraŭnika Ofisa prezidenta Ukrainy Michaił Padalak napisaŭ u tvitary, što ŭdar pa rasijskim samalocie na vajskovym aeradromie ŭ Mačuliščach pad Minskam — zasłuha biełaruskaha padpołla.
07.03.2023 / 16:38
«Treba vyznačycca z definicyjami. Terakt — heta kali z terytoryi Biełarusi zapuskajuć rakiety pa haradach. Dyviersii — kali z biełaruskaj miažy zachodziać DRH.
Udar pa samalocie-karektyroŭščyku A-50 — antyterarystyčny akt, ździejśnieny, darečy, miascovymi partyzanami», — napisaŭ ukrainski čynoŭnik.
Asabistyja vypady na adras prezidenta Ukrainy Uładzimira Zialenskaha, jakija siońnia dapuściŭ Łukašenka, Padalak, jak i raniej Słužba biaśpieki Ukrainy, pakinuŭ pa-za ŭvahaj.