Biełstat: Dola raschodaŭ na charčavańnie ŭ biełarusaŭ składaje amal 40%
Što pakazała vybaračnaja acenka chatnich haspadarak, piša sb.by.
07.03.2023 / 10:45
Hrašovyja raschody ŭ raźliku na adnu chatniuju haspadarku skłali 1696,6 rubla na miesiac, ź jakich 1249,1 rubla, abo 73,6% prypadaje na spažyvieckija (na charčavańnie, ałkahol, tytuniovyja vyraby, apłatu niecharčovych tavaraŭ i pasłuh).
U ich struktury dola raschodaŭ na charčavańnie skłała 39,7%, na kuplu niecharčovych tavaraŭ — 33,7%, na apłatu pasłuh — 24,1%.
Pakazčyk raschodaŭ na charčavańnie naŭprost źviazany z VUP na dušu nasielnictva. Čym vyšejšy vałavy ŭnutrany pradukt na dušu nasielnictva, tym mienšaja dola raschodaŭ na charčavańnie. Tak, naprykład, žychary Luksiemburha na pradukty traciać tolki 8% biudžetu chatniaj haspadarki.