U Minsku paranili nažom milicyjaniera, toj u adkaz stralaŭ
Pres-słužba MUS paviedamlaje, što siońnia adnaho z supracoŭnikaŭ milicyi paranili padčas vyjezdu jaho na vyklik.
06.03.2023 / 22:59
Pavodle viersii MUS, siońnia ŭviečary ŭ Frunzienskaje RUUS patelefanavała žančyna i vyklikała milicyju. Narad patrulna-pastavoj słužby prybyŭ na miesca i padčas razboru były muž zajaŭnicy udaryŭ supracoŭnika milicyi nažom u tvar i šyju. Toj ža vykarystaŭ tabielnuju zbroju na paražeńnie i «abiasškodziŭ» mužčynu — da jakoj stupieni, pakul nie paviedamlajecca.
Ciapier, jak paviedamlajecca, na miescy pracuje śledča-apieratyŭnaja hrupa, tudy ž pajechaŭ ministr Ivan Kubrakoŭ.