U Galleria Minsk znoŭ možna biaspłatna łavić plušavych mišak
Alfa Bank na try dni viarnuŭ u Galleria Minsk aŭtamat z cackami — čyrvonymi miškami. Kožny achvotny moža dastać cacku biaspłatna z dvuch sprob. Pieršuju takuju akcyju ładzili zusim niadaŭna, na Dzień śviatoha Valancina.
06.03.2023 / 17:05
Hetym razam akcyja pryśviečanaja 8 sakavika i budzie praciahvacca ŭsiaho try dni — 6-ha, 7-ha i 8-ha.
«Kali nie paśpieli minułym razam, to našy miadźviedzi čakajuć vas 6, 7 i 8 sakavika kala vychadu z Galleria Minsk (1-y pavierch), z boku hatela DoubleTree», — piša bank u svaim instahramie.
Pry hetym inšaj takoj mahčymaści ŭ hetym hodzie, jak paviedamlajecca, užo nie budzie.