Baskietbalistka Alena Leŭčanka pierajechała z Hrecyi i raskazała pra novuju pracu
Adna z najlepšych baskietbalistak u biełaruskaj historyi skončyła kar’jeru ŭ listapadzie 2022 hoda. Čym jana zajmajecca ciapier?
06.03.2023 / 13:29
Fota: instahram Aleny Leŭčanka
Zakančeńnie karjery Alena sustreła ŭ Hrecyi. Leŭčanka pierajechała ŭ hetuju krainu ŭ kancy 2020 hoda, paśla taho, jak adsiedzieła 15 sutak na Akreścina pa abvinavačvańni va ŭdziele ŭ niesankcyjanavanym masavym mierapryjemstvie. U studzieni 2021 hoda Alena padpisała kantrakt z hreckim kłubam «Panacinaikas» i vyjhrała razam ź im tytuł čempijonki Hrecyi.
Potym u žyćci słavutaj spartśmienki była čarhovaja (siomaja) apieracyja ŭ jaje karjery, šmat padarožžaŭ pa Hrecyi i hramadskaja dziejnaść — biełaruska ŭ tym liku dapamahała hrekam źbirać ježu, leki i adzieńnie dla ŭkraincaŭ.
12 listapada Alena apublikavała post pra raźvitańnie z prafiesijnym baskietbołam, ale nie adrazu raspaviała, čym budzie zajmacca paśla zakančeńnia karjery. U kancy studzienia biełaruska napisała ŭ sacsietkach, što pakidaje Hrecyju.
6 sakavika Leŭčanka paviedamiła ŭ instahramie, što jana pierajechała ŭ Łos-Andželes u ZŠA i ciapier budzie pracavać u kampanii Nike. Taksama biełaruska raspaviała, što za čas u Štatach paśpieła ledźvie nie trapić u avaryju — jak napisała Alena ŭ sacsietcy, «žyćcio prosta pramilhnuła pierad vačyma».