Vydaviectva «Źmicier Kołas» časova prypyniaje svaju dziejnaść. Jość źviestki, što Źmicier Kołas — u KDB
«Šanoŭnaje spadarstva, vydaviectva prypyniaje svaju dziejnaść da asobnaha paviedamleńnia», — paviedamiła vydaviectva ŭ sacyjalnych sietkach siońnia, 5 sakavika.
05.03.2023 / 19:01
Jak paviedamiła Reform.by krynica z knižnych kołaŭ, jość źviestki, što Źmicier Kołas i jaho drukar zaraz znachodziacca ŭ KDB. Pryčyna — nadrukavanaja paŭhoda tamu kniha dakumientaŭ z dziaržarchivaŭ pra represii 1937-1939 hadoŭ «Masavyja represii ŭ SSSR u histaryčnych daśledavańniach i kalektyŭnaj pamiaci» (2018).
Rychtavaŭ knihu drukar Aleś Smalančuk z Harodni. Pa vyraku suda ad 06.01.2023 hoda vydaviectvu było zabaroniena raspaŭsiudžvać vydańnie. Ale miarkujecca, što jaho nie paśpieli prybrać z prodažu. Z hetaj nahody Źmitra Kołasa vyklikali ŭ KDB.
Vokładka knihi. Fota: «Novy Čas»
Vydaviectva «Źmicier Kołas» viadomaje knihami suśvietnaj paezii, prozy, dramaturhii ŭ najlepšych biełarskich pierakładach. Šyroka pryznańnie atrymałasia knižnaja sieryja vydaviectva «Paety płaniety». U cykle vyjšła 100 knižak vybitnych aŭtaraŭ śvietu — u pryvatnaści, H. Apalinera, A. Mickieviča, A. E. Adynca, B.I. Antonyča, D. Paŭłyčki, V. Sasiury, M. K. Sarbieŭskaha, U. Błejka, N.Lenau, H. Hajne, H. Hajma, A. Pocyu dy inšych paetaŭ u pierakładzie na biełaruskuju movu ad znanych ajčynnych litarataraŭ i maładych pierakładčykaŭ. Tolki 28 lutaha ŭ Minskaj abłasnoj bibłijatecy imia A.S. Puškina prajšła impreza z nahody 100 vypuska sieryi.