Upieršyniu biełaruska finišavała na ŭsich šaści samy značnych marafonach śvietu
U niadzielu, 5 sakavika, biełaruska Ała Kasabuckaja pieraadoleła Takijski marafon, paviedamlaje kanał «RobimNohi».
05.03.2023 / 18:36
Ała Kasabuckaja, pieršaja biełaruska, jakaja finišavała na ŭsich šaści samy značnych marafonach śvietu. Fota ź instahrama
Adnačasova z hetym u Biełarusi zjaviłasia pieršaja ŭładalnica miedala World Marathon Majors Six Star Finishers, jakim uznaharodžvajucca tyja, chto zdoleŭ skaryć usie šeść topavych marafonaŭ śvietu: Bostanski, Ńju-Jorkski, Čykahski, Bierlinski, Łondanski i Takijski.
Ała paśladoŭna z 2015 hoda finišavała na elitnych marafonach, ale svaje karektyvy ŭnios kavid, i apošni z pieraliku, Takijski marafon, udałosia skaryć tolki siońnia, na try hady paźniej, čym płanavałasia.
Nižej — vyniki Ały na ŭsich šaści marafonach:
2015 — Ńju-Jork (4:05:28)
2016 — Čykaha (3:35:33)
2017 — Bierlin (3:17:22)
2018 — Bostan (3:21:36)
2019 — Łondan (3:05:43)
2023 — Tokijo (3:24:17)
Aproč svaich marafonskich podźvihaŭ, Ała Kasabuckaja viadomaja taksama tym, što ŭ 2021 hodzie stała pieršaj biełaruskaj, jakaja zdoleła ŭzyjści na haru Džamałunhma — najvyšejšuju kropku płaniety.
Napiaredadni siońniašniaha marafona ŭ Tokijo, usie šeść topavych marafonaŭ pieraadoleła 8143 čałavieki. Ź ich 1544 pradstaŭlajuć ZŠA, 771 — Vialikabrytaniju, 453 — Itałiju, 439 — Hiermaniju, 400 — Kitaj.
Z susiedziaŭ Biełarusi: 86 uładalnikaŭ miedala miedala World Marathon Majors Six Star Finishers pachodziać z Polščy, 37 — z Rasii, 11 — z Ukrainy, 3 — z Litvy, 2 — z Łatvii.