Kitaj pastaviŭ na 2023 hod ścipłyja ekanamičnyja mety
Kitaj płanuje pavialičyć VUP na 5%. Takaja meta była abvieščana na siesii Usiekitajskaha schodu narodnych pradstaŭnikoŭ.
05.03.2023 / 10:25
Si Czińpin u centry kamunistyčnaha kiraŭnictva Kitaja. Fota: Sińchua
Letaś pryrost VUP skłaŭ 3% pry płanie rostu 5,5%. Nievykanańnie płana było źviazana z kavidam.
Varta adznačyć, što ŭ takich tatalitarnych krainach, jak Kitaj, statystyka časta byvaje padmannaj.
Urad Kitaja čakaje ŭ 2023 hodzie inflacyi 3%. Deficyt biudžetu maje vyraści da 3%, što na 0,2% bolš, čym u 2022-m.
Analityki nazyvajuć metu 5% ekanamičnaha rostu «ścipłaj». Za apošnija 30 hadoŭ Piekin ni razu nie staviŭ takich nizkich zadač. Heta aznačaje, što ŭrad Kitaja nie budzie aktyŭna ŭpampoŭvać hrošy ŭ ekanomiku, što budzie mieć tarmoziačy efiekt i na suśvietnuju haspadarku.
Źviartaje ŭvahu, što Piekin taksama abviaściŭ pra rost vajskovych vydatkaŭ na 7,2%, što stała samym vysokim tempam rostu za apošnija hady. Jany dasiahnuć 1,55 trłn juaniaŭ, abo kala 225 miljardaŭ dalaraŭ.