Rasija ŭžyła suprać Ukrainy supiernovyja płanirujučyja bomby
Bombu UPAB-1500V u Rasii ŭpieršyniu prademanstravali tolki ŭ 2019 hodzie, jana pryznačana dla ŭdaraŭ pa vysokaabaronienych abjektach na adlehłaści da 40 km.
05.03.2023 / 10:09
Pieršaje ŭžyvańnie hetaha vida bojeprypasaŭ zafiksavali niekalki tydniaŭ tamu suprać adnaho z abjektaŭ u Čarnihaŭskaj vobłaści na poŭnačy Ukrainy, piša ŭkrainski resurs Defense Express. Pra heta jamu stała viadoma z ułasnych krynic — na adnym z abłomkaŭ byli reštki markiroŭki jakaja adpaviadaje mienavita UPAB-1500v.
Važyć takaja kiravanaja bomba 1500 kh.
Hety bojeprypas upieršyniu byŭ prademanstravany ŭ ekspartnaj viersii ź indeksam K029BE u 2019 hodzie raspracoŭščykam «HNPP «Rehijon», jakoje ŭvachodzić u karparacyju «Taktyčnaje rakietnaje ŭzbrajeńnie» na vystavie MAKS.
Tady ž było paviedamlena, što hetaja bomba ŭžo prajšła vyprabavańni, pastaŭlena na ŭzbrajeńnie Pavietrana-kaśmičnych siłaŭ Rasii i atrymała pieršyja ekspartnyja zamovy.
Vysokaja niebiaśpiečnaść UPAB-1500v — u tym, što jana płanirujučaja, abstalavanaja iniercyjalnaj i spadarožnikavaj sistemaj navihacyi i maje bajavuju častku vahoj 1010 kh, pryznačanuju dla źniščeńnia vysokaabaronienych abjektaŭ. Dekłarujecca, što bomba moža skidacca za 40 km ad celi, dla čaho samalot-nośbit maje padniacca na vyšyniu 14 km.
UPAB-1500v, kryły ŭ składzienym stanie
Adznačym, što taksama «HNPP «Rehijon» prademanstravała i mienšaha kalibra bojeprypas UPAB-500V (indeks K08B), pamienšanuju kopiju UPAB-1500v vahoj 505 kh, ź jakich 390 kh prypadajuć na bajavuju častku pry zachavańni inšych asablivaściaŭ.
UPAB-500v (indeks K08B)
Vykarystańnie płanirujučych bombaŭ Rasijaj zastajecca adzinkavymi zjavami. Pryčym zabieśpiačeńnie vysokaj dalokaści palotu patrabuje ad avijacyi palotu na značnaj vyšyni, što spraščaje vyjaŭleńnie celi i jaje źbićcio. Mahčyma, što źbity na dniach ŭ rajonie Jenakijeva frantavy bambavik Su-34 jakraz i vykonvaŭ palot z takimi bojeprypasami.