Байцы Палка Каліноўскага ўзялі ў палон расійскіх «мобікаў»
Палкавое падраздзяленне беспілотнікаў імя Мікіты Крыўцова падчас штурмавой аперацыі ўзяла палонных. Прэс-служба беларускага падраздзялення апублікавала відэа з адным з іх.
04.03.2023 / 19:14
Асцярожна, у відэа ёсць нецэнзурная лексіка.
На відэа палонны кажа, што іх абяцалі пакінуць на граніцы, але ў выніку мабілізаваныя апынуліся на перадавой. Ён скардзіцца на брак падрыхтоўкі, жорсткасць свайго кіраўніцтва, канавы і голад, як від пакаранняў.
Па словах расіяніна, з яго роты са 106 чалавек цэлымі засталіся каля паловы.
Палоннаму дазволілі патэлефанаваць дадому.