Z upakoŭki šakaładu Toblerone prybiaruć vyjavu hary i źmieniać markiroŭku
Źmieny źviazanyja z pieranosam vytvorčaści ŭ inšuju krainu.
04.03.2023 / 18:57
Vytvorca šakaładu Toblerone prybiare z upakoŭki vyjavu šviejcarskaj hary Materchorn, heta źviazana z pieranosam častki vytvorčaści ŭ Słavakiju. Pra heta pres-słužba kampanii Mondelez zajaviła haziecie Aargauer Zeitung.
Ab pieranosie vytvorčaści va Uschodniuju Jeŭropu stała viadoma letaś. Tady ŭ Toblerone raspaviali, što z upakoŭki prybiaruć markiroŭku «šviejcarski šakaład». Ciapier na ŭpakoŭcy budzie skazana, što šakaład byŭ «stvorany ŭ Šviejcaryi».
U adpaviednaści sa šviejcarskimi zakonami šakaład, vyrableny za miažoj, nie moža nazyvacca «šviejcarskim».
Na zavodzie Mondelez u Bracisłavie ŭžo vyrablajuć šakaładki Milka i Suchard. Vytvorčaść Toblerone u hetym horadzie, jak čakajecca, pačniecca ŭ trecim kvartale 2023 hoda.
Šakaład Toblerone byŭ prydumany ŭ 1908 hodzie Teadoram Tobleram i Emilem Baŭmanam. Nazva składajecca z proźvišča Tobler i słova torrone (turron, ź italjanskaha — «miadova-mindalnaja nuha»). Trochkutnaja forma batončykaŭ achoŭvajecca zakonam z 1909 hoda. Vyjava hary Materchorn zjaviłasia na ŭpakoŭcy ŭ 1970 hodu.