Polski sud daŭ zavočna čatyry hady turmy biełarusu, jaki źbiŭ na pierachodzie 15-hadovuju dziaŭčynu. Mužčynu šukaje palicyja
U pačatku kastryčnika 2022 hoda ŭ Štabinie pamiž Aŭhustovam i Biełastokam adbyłasia śmiarotnaja avaryja: biełarus na hruzaviku źbiŭ 15-hadovuju dziaŭčynu, jakaja išła ŭ škołu. Jana pamierła z-za surjoznych traŭm hałavy.
04.03.2023 / 16:23
U studzieni 2023 hoda stała viadoma, što polskaja prakuratura vystaviła abvinavačańnie biełarusu ŭ ździajśnieńni DTZ sa śmiarotnym zychodam.
Svajačka kiroŭcy raspaviadała vydańniu «Most», što mužčynu nie ŭziali pad aryšt, skazali, što paviedamiać, kali pačniecca praces. Adnak na poštu ŭ Biełaruś jamu ničoha nie pastupała.
— Jon sam pieražyvaje i nie chavajecca, znachodzicca ŭ niaviedańni. Z firmy zvanili ŭ sud, ale im nie dali nijakaj infarmacyi.
Svajaki paviedamili, što mužčyna niekalki razoŭ naviedvaŭ Jeŭrasajuz, u tym liku, vyjazdžaŭ u Litvu i Polšču. I jaho ni razu nie zatrymlivali polskija pravaachoŭniki.
Žančyna taksama raskazała, što zahinułaja dziaŭčyna na momant avaryi stajała kala piešachodnaha pierachodu ŭ navušnikach i kapiušonie, razmaŭlała pa telefonie. Pa słovach svajački, razhladali navat viersiju suicydu.
— Kali jon padjazdžaŭ da pierachoda, jana tolki tady vyskačyła ci pajšła. Tam byli kamiery videanazirańnia, byli śviedki. Tam nichto nie spyniaŭsia, jechała kałona dalnabojščykaŭ.
I voś stała viadoma, što mužčyna atrymaŭ zavočna čatyry hady turemnaha źniavoleńnia za śmiarotny najezd. Sud u Aŭhustovie pastanaviŭ vydać aryjenciroŭku na mužčynu: jon abjaŭleny ŭ vyšuk. Taksama mužčyna pavinien vypłacić siamji zahinułaj 50 tysiač złotych maralnaj kampiensacyi.
Zhodna z pryhavoram suda, mužčyna nie vykonvaŭ naležnuju aściarožnaść i nie spyniŭsia pierad piešachodnym pierachodam, kab prapuścić dziaŭčynu.
Pakul prysud nie nabyŭ zakonnuju moc. Kali heta adbudziecca, budzie prymieniena pracedura vydačy jeŭrapiejskaha ordera na aryšt.