Minadukacyi paabiacała, što adterminoŭki ad armii dla studentaŭ, jakija ciapier za miažoj, zastanucca
Parłamient razhladaje papraŭki ŭ zakon, jakija tyčacca adterminoŭki ad pryzyvu na vajskovuju słužbu. Kali źmieny buduć pryniatyja, adterminoŭku ad słužby dla studentaŭ, jakija navučajucca za miažoj, admieniać. Ale nie dla ŭsich.
03.03.2023 / 17:40
Tym, chto ciapier vučycca za miažoj, dazvolać skončyć univiersitet, piša BiełTA.
«Dla tych, chto praciahvaje vučycca [za miažoj], hetyja adterminoŭki zastanucca», — cytujuć pieršaha namieśnika ministra adukacyi Alaksandra Bachanoviča.
«U našych susiedziaŭ, kali jany studenty jeduć vučycca za miažu, taksama niama adterminovak, — adznačyŭ Bachanovič. — My pryvodzim zakanadaŭstva ŭ adpaviednaść z tym, što jość u našych susiedziaŭ. U nas pavinny być roŭnyja pravy i mahčymaści».
Razam z tym, u zakanadaŭstvie zastaniecca norma ab adterminoŭkach dla biełaruskich abituryjentaŭ, jakich pa zamovie orhana dziaržkiravańnia abo pradpryjemstva nakiroŭvajuć na vučobu za miažu pa tych śpiecyjalnaściach, pa jakich u krainie nie viadziecca padrychtoŭka, ale majecca vostraja patreba ŭ ich.