Minskamu tyktokieru za videa pra «PVK Rodan» dali 10 sutak
Sud Minskaha rajona aryštavaŭ tyktokiera, jaki zdymaŭ videa pra «PVK Rodan», na 10 sutak za raspaŭsiud «ekstremisckich materyjałaŭ» (artykuł 19.11 KaAP), paviedamlaje «Miedyjazona».
03.03.2023 / 16:44
Siłaviki apublikavali z zatrymanym Arturam Achmadzi videa, na jakim jon kaža, što raźmiaściŭ u svaim akaŭncie ŭ tyktoku videa z simvolikaj «PVK Rodan», i heta videa nabrała 100 tysiač prahladaŭ, a taksama, što «pierasyłaŭ paviedamleńni z tielehram-kanała NEXTA». Milicejskaje videa taksama zjaviłasia ŭ tyktoku zatrymanaha.
2 sakavika, pavodle źviestak MUS, u Minsku praz sustrečy prychilnikaŭ «PVK Rodan» siłaviki zatrymali 80 čałaviek. 1 sakavika ŭ Breście na sustrečy prychilnikaŭ «PVK Rodan» byli zatrymanyja 52 čałavieki. 28 lutaha padčas anałahičnaj sustrečy ŭ Homieli zatrymali 200 čałaviek.