Каля Янакіева ў «ДНР» быў збіты самалёт, верагодна, расійскі знішчальнік. Пілоты змаглі катапультавацца
Каля горада Янакіева ў акупаванай «ДНР» быў збіты, магчыма, знішчальнік Су-34 Паветрана-касмічных сіл Расіі.
03.03.2023 / 15:50
На відэа і фота відаць дым ад палаючага самалёта і купалы парашутаў лётчыкаў, якія паспелі катапультавацца.
Расійскія ваенныя блогеры мяркуюць, што самалёт мог быць збіты расійскай СПА, бо горад знаходзіцца ў тыле, а найбліжэйшыя пазіцыі ўкраінскіх ЗРК знаходзяцца за 35 км ад яго.
Згодна з падлікамі Oryx, гэта 76-ы расійскі самалёт, збіты за час вайны, і 19-ы Су-34.