Paviedamlajecca pra vybuch u Padmaskoŭi
Siońnia ŭviečary ŭ pryharadzie Kołomny (horad u Maskoŭskaj vobłaści) byli čutnyja huki vybuchaŭ.
02.03.2023 / 23:42
Skrynšot videa
Telehram-kanał «Baza» piša, što vybuch byŭ čutny amal va ŭsich rajonach horada. Pa papiarednich danych, vybuch adbyŭsia ŭ adnym z susiednich sioł kala 21:30.
Na adnym z videa miascovy žychar kaža, što byŭ čutny śvist, paśla vybuch. Ciapier u tym kirunku bačnaje zarava.
Inšy telehram-kanał apublikavaŭ videa z kamier nazirańnia, dzie čutny vybuch, ale niezrazumieła, što adbyłosia.
U administracyi Kałomny zajavili, što na miesca, dzie mierkavana byŭ vybuch, vyjechali ekstrannyja słužby.
Bolš detalaŭ pakul niama.
Raniej, 28 lutaha, hubiernatar Maskoŭskaj vobłaści paviedamlaŭ pra padzieńnie bieśpiłotnika kala Kałomny. Achviar i razbureńniaŭ na ziamli nie było. Unutry bieśpiłotnika nibyta była vybuchoŭka.