Aliexpress заблакаваў продаж дронаў для кліентаў з Расіі
Расійскія рэсурсы паведамляюць, што з сённяшняга дня на гандлёвай пляцоўцы Aliexpress расіянам немагчыма набыць квадракоптары ад кампаніі DJI і Autel. Тыя ж, што ўжо набытыя, абмежаваныя ў функцыянале.
02.03.2023 / 18:42
Фармальна таварныя карткі на рэсурсе засталіся, але пасля пераходу ў краму сістэма выдае памылку і надпіс: «Такой старонкі няма».
Акрамя таго, фірма DJI выдаліла мабільны дадатак для кіравання дронамі з расійскага AppStore.