«Hajun»: A-50 uźlacieŭ z aeradroma ŭ Mačuliščach. Heta toj samalot, jaki moh być paškodžany padčas dyviersii
Siońnia ŭ 11:35 samalot A-50 uźlacieŭ z aeradroma ŭ Mačuliščach, paviedamlaje «Biełaruski Hajun». Heta toj samy rasijski samalot, jaki moh atrymać paškodžańni padčas dyviersii ŭ niadzielu.
02.03.2023 / 13:19
«Bajpoł» paviedamlaŭ, što biełaruskija partyzany paškodzili samalot u dvuch miescach z dapamohaj dronaŭ: adnym zaradam byŭ paškodžany klučavy elemient — trochkaardynatnaja radyjołakacyjnaja stancyja, a mienavita łakatar. Druhoje paškodžańnie — «u rajonie raźmiaščeńnia abciakalnika anteny spadarožnikavaj radyjolinii, u piaredniaj častki, pablizu nasavoha adsieka».
Učora, praz try dni paśla mierkavanaj dyviermsii, dziaržaŭnyja telekanały pakazali, jak samalot ruluje pa terytoryi aeradroma. Mahčyma, hety čas samalot pryvodzili ŭ paradak. Kudy samalot palacieŭ, nieviadoma.