ISW: Łukašenka padpisaŭ damovy z Kitajem, kab asłabić intehracyjny cisk Rasii i dapamahčy joj abyjści sankcyi
Alaksandr Łukašenka i kiraŭnik KNR Si Czińpin padpisali 1 sakavika pakiet z 16 dakumientaŭ, jakija mohuć sadziejničać uchileńniu Rasii ad sankcyj šlacham nakiravańnia kitajskaj dapamohi Rasiei praz Biełaruś, ličać analityki amierykanskaha Instytuta vyvučeńnia vajny (ISW).
02.03.2023 / 10:03
Siarod dakumientaŭ — stratehija sumiesnaha biełaruska-kitajskaha pramysłovaha raźvićcia, dakumient ab biełaruska-kitajskim navukova-techničnym supracoŭnictvie na 2023-2024 hady, miemarandum ab uzajemarazumieńni pa sumiesnych prajektach z vykarystańniem dziaržaŭnych pazyk Kitaja.
Łukašenka zajaviŭ, što Biełaruś zacikaŭlena ŭ pahłybleńni supracoŭnictva z Kitajem u halinie technałahičnaha raźvićcia, uklučajučy stvareńnie sumiesnych pradpryjemstvaŭ, madernizacyju biełaruskich pradpryjemstvaŭ z vykarystańniem sučasnych kitajskich technałohij, handal tavarami i pasłuhami.
Analityki ISW miarkujuć, što damovy mohuć być vykarystanyja dla abychodu antyrasijskich sankcyj.
Akramia taho, analityki ličać, što praz Kitaj Łukašenka maje namier zastrachavacca ad intehracyjnaha cisku z boku Rasii, choć, pavodle ich, hetyja miery tolki adterminujuć kampaniju Rasii pa zabieśpiačeńni poŭnaha ekanamičnaha kantrolu nad Biełarussiu.