«Biełavija» pamianiała ŭmovy pravozu spartyŭnaha ryštunku
Kampanija «Biełavija» pamianiała praviły pravozu spartyŭnaha ryštunku. Pra heta paviedamlaje jaje pres-słužba. Novaŭviadzieńni ŭstupajuć u siłu 1 sakavika.
01.03.2023 / 16:50
Dadatkovy zbor za pravoz adnaho kamplekta spartyŭnaha invientaru z 1 sakavika dla taryfaŭ PROMO i LIGHT budzie 50 jeŭra, a dla brenda SMART — 25 jeŭra. Pry hetym płata za takuju pasłuhu dla taryfaŭ FLEX i BUSINESS spahaniacca nie budzie.
Havorka idzie pra nastupny spartyŭny ryštunak:
- rovar;
- łyžy, u tym liku vodnyja;
- rolikavyja i spartyŭnyja kańki;
- skiejtbord;
- ryštunak dla holfa, snoŭborda, tenisa, badmintona, fiechtavańnia, chakieja i inš.
Inšy spartyŭny ryštunak, nie paznačany ŭ śpisie, pasažyr moža pravozić z dapłataj 50 jeŭra za kožny kamplekt va ŭsich taryfnych brendach. Anałahičnaja suma budzie spahaniacca za kožny nastupny kamplekt sportinvientaru.
Pry hetym kamplekt pavinien važyć nie bolš za 23 kiłahramy, a jahonyja habaryty ŭ sumie troch vymiareńniaŭ nie pavinny pieravyšać 210 sm. Luboje pieravyšeńnie ciahnie za saboj dapłatu 50 jeŭra.