Следчы камітэт распачаў крымінальную справу з нагоды сустрэчы фанатаў субкультуры «ПВК Родан»
Следчым камітэтам распачата крымінальная справа па факце «арганізацыі дзеянняў, якія груба парушаюць грамадскі парадак у Гомелі», заявіў афіцыйны прадстаўнік Следчага камітэта Рэспублікі Беларусь Сяргей Кабаковіч.
01.03.2023 / 16:26
Па даных СК, 28 лютага, «паддаўшыся заклікам, апублікаваных у сацыяльных сетках», каля гандлёвага цэнтра «Сакрэт» у Гомелі сабраліся 200 маладых чалавек ва ўзросце ад 13 да 21 года розных моладзевых субкультур, у тым ліку «ПВК Родан».
СК піша, што масавае мерапрыемства зʼяўлялася незаконным. Былі затрыманыя 200 чалавек, 183 з іх непаўналетнія.
Распачата крымінальная справа па арт. 342 (арганізацыя і падрыхтоўка дзеянняў, якія груба парушаюць грамадскі парадак) Крымінальнага кодэкса Беларусі.
У цяперашні час СК шукае арганізатараў масавага збору.