U internecie apublikavali videa, jak kamandujučy rasijskaj hrupoŭkaj u Biełarusi tancuje aholeny. Intryha — dla kaho
Apošnimi dniami ŭ internet źlili adrazu niekalki porcyj kampramatu na rasijskaha vysokapastaŭlenaha hienierała Alaksandra Matoŭnikava, jaki kamanduje ciapier rasijskimi vojskami ŭ Biełarusi. Spačatku ŭ sieciva źlili videa, dzie hienierał tancuje aholeny, a paźniej — jaho pierapisku z «paluboŭnikam».
28.02.2023 / 19:10
Alaksandr Matoŭnikaŭ z Uładzimiram Pucinym
Napiaredadni ŭ siecivie zjaviłasia videa, na jakim Alaksandr Matoŭnikaŭ tančyć eratyčny taniec. Adbyłosia heta praz dzień paśla taho, jak na aeradromie ŭ Mačuliščach adbyłasia dyviersija suprać rasijskaha vajskovaha samalota.
Na hetym chakiery nie spynilisia i źlili listavańnie hienierała z nibyta «paluboŭnikam». Kadrami pierapiski padzialilisia žurnalisty telehram-kanała «Šukaj svaich».
Novy kampramat na namieśnika kiraŭnika Suchaputnych vojskaŭ RF zjaviŭsia praz usiaho paru hadzin paśla rezanansnaha videa. I heta vyhladaje ŭžo na śviadomuju kampaniju suprać hienierała, pakul tolki niezrazumieła, kim arhanizavanuju.
Krynica paviedamlaje, što pierapisku z «paluboŭnikam» Matoŭnikaŭ vioŭ na svajoj staroncy ŭ instahramie. Jana datujecca 14 lutaha — Dniom śviatoha Valancina. Choć nielha vyklučać, što staronku hienierała prosta ŭzłamali.
Alaksandr Matoŭnikaŭ naradziŭsia ŭ 1965 hodzie ŭ Maskvie. Z 2020 hoda jon namieśnik načalnika Suchaputnych vojskaŭ RF, a ciapier uznačalvaje rasijskija vojski na terytoryi Biełarusi. Byŭ dvojčy žanaty, i ŭ jaho troje dziaciej. Niekatory čas žyŭ u domie Achmata Kadyrava, a ciapier ciesna siabruje z Ramzanam.