Kabanaŭ raskazaŭ, jak padčas vybaraŭ vyličyŭ ahienta ŭ inicyjatyŭnaj hrupie Cichanoŭskaj
Brescki błohier Alaksandr Kabanaŭ padčas vybaraŭ byŭ pres-sakratarom inicyjatyŭnaj hrupy Śviatłany Cichanoŭskaj. U vypusku «Tok» jon raskazaŭ, jak tady vyličyŭ ahienta ŭ atačeńni.
28.02.2023 / 14:19
Skrynšot videa «Tok»
11 červienia 2020 hoda, kali išła pieradvybarčaja kampanija, Śviatłana Cichanoŭskaja zapisała zvarot, dzie skazała, što na bližejšyja vychodnyja admianiaje zbor podpisaŭ.
Kabanaŭ zhadvaje toj momant:
«Jana mnie telefanuje i kaža: «Saža, mianie adzin čałaviek papiaredziŭ, što ŭ vychodnyja va ŭsich abłasnych haradach i ŭ Minsku na zborach podpisaŭ buduć pravakacyi, buduć vybuchi, buduć zabojstvy. Ja hetaha bajaiusia, ja hetaha nie chaču, admianiajem uvieś zbor.
Ja spytaŭ: a što za čałaviek tabie takuju infarmacyju skazaŭ? Heta ž zvyšsakretnaja infarmacyja, heta śpiecapieracyja, pra jakuju naohuł nichto nie daviedajecca».
Imia Śviatłana nie nazvała, tamu błohier vyrašyŭ pravieryć hrupy ludziej i kožnamu paasobku zakinuŭ peŭnuju infarmacyju.
«I heta infarmacyja prasočvajecca ŭ siłavyja struktury. A ŭsim infarmacyja roznaja była dadziena. I ja razumieju, chto heta. U mianie chłopcy byli — chakiery, nie chakiery, nie viedaju, jak nazyvać, ale ŭmiejuć źbirać infarmacyju peŭnuju. Ja padkidyvaju im pra jaho: dajcie mnie raskład, chto hety čałaviek — i mnie ŭsio raskazvajuć. Jon akazaŭsia ahientam».
Kali Kabanaŭ nazvaŭ jaho Cichanoŭskaj, jana pacvierdziła, što heta toj čałaviek, jaki pałochaŭ pravakacyjami.
Błohier kaža, što jaho samoha prasłuchoŭvali ŭ balnicy. Jon pra heta paźniej davieŭsia z materyjałaŭ spravy.
«Kali mianie pakłali ŭ balnicu z karanavirusam, ja tolki pryjšoŭ u pałatu, tolki pačaŭ šufladku adčyniać, zalataje zahadčyca addzialeńnia: «Nie, stop, nie tudy». I mianie kładuć u pałatu asobnuju, dzie ja lažu adzin, staić televizar, mikrachvaloŭka. Dla vieteranaŭ pałata. Kažu: a što heta? My pra hetu zahadčycu kaliści rabili materyjał, narmalna ŭzdručyli. A tut takoje».