U Vilni prajšoŭ mitynh, pryśviečany Mikałaju Statkieviču i Siarhieju Cichanoŭskamu, jakija ŭžo 1000 dzion za kratami
Mitynh adbyŭsia ŭ Vilni ŭ centry horada, na płoščy Kudzirki. Udzielniki trymali bieł-čyrvona-biełyja ściahi i partrety palitźniavolenych.
26.02.2023 / 19:56
Fota tut i dalej: Ofis Cichanoŭskaj
«Mikałaj Statkievič i Siarhiej Cichanoŭski praviali ŭžo 1000 dzion za kratami. Strašnaja ličba. I choć našyja mužčyny — jany mužnyja, niazłomnyja, i vytryvajuć, ale heta taksama 1000 dzion skradzienych i ŭ ich siemjaŭ. U nas u kvatery paŭsiul fotazdymki Siarhieja, kab dzieci nie zabyvali, jak jon vyhladaje. My kožny tydzień razam hladzim jaho videa, kab małodšaja dačka, jakaja jaho nie bačyła try hady, pamiatała jaho hołas, — vystupiła Śviatłana Cichanoŭskaja. —
Nie było nivodnaha dnia, kali b ja ni zadavała pytańnia sabie: što jašče ja mahu zrabić, kab chutčej vyzvalić i Siarhieja i ŭsich palitviaźniaŭ. I hetaje pytańnie prymušaje mianie dziejničać dalej, nie zdavacca. Ja pieratvaraju svoj bol u pracu. I ja chaču kab kožny z nas — taksama štodnia zadavaŭ sabie hetaje pytańnie: što jašče kožny z nas moža zrabić.
Davajcie nie budziem kazać — my čakajem ich vyzvaleńnia. My pracujem na ich vyzvaleńnie. I nie spynimsia, pakul kožny nie vierniecca dadomu».