Zaŭsiodnik pres-kanfierencyj Hierman Napolski ažaniŭsia na voziery Bajkał
Biełaruski žurnalist Hierman Napolski ažaniŭsia. Cyrymonija šlubu prachodziła na lodzie rasijskaha voziera Bajkał, piša «KP» sa spasyłkaj na irkuckaje telebačańnie.
26.02.2023 / 16:54
Skrynšot siužeta irkuckaha TB
Hierman Napolski z Minska i Nadzieja Savieljeva ź Irkucka paznajomilisia ŭ Viciebsku. Vierahodna, na «Słavianskim bazary», dzie pastajanna pracuje žurnalist.
Zaklučyć šlub na lodzie Bajkała navažylisia adrazu 32 pary. Heta byŭ pieršy dośvied masavaj rehistracyi ŭ hetych krajach. Datu vybrali lustranuju — 23.02.2023. Usie pary zamiest tuflaŭ abuli unty.
Napolski padzialiŭsia ŭražańniami ad cyrymonii:
«U maich krajach, dzie ja žyvu, nichto takoha nie rabiŭ. Chočacca ździvić ziemlakoŭ».
Nadzieja Savieljeva raskazała ab zaručalnych piarścionkach:
«U mianie heta škło. Jano simvalizuje, z adnaho boku, kropielki vady i hałamianku. Pahladzicie, jość spałučeńnie rybki. A Hiermanu my prapanavali zrabić piarścionak z niefrytu».
Viasiełle zhulali ŭ dzień naradžeńnia Hiermana Napolskaha.
Hierman — viadomy piersanaž u žurnalisckich kołach. Na pres-kanfierencyjach (jon chadziŭ praktyčna na ŭsie, niezaležna ad temy) jon časta pradstaŭlaŭ nikomu nie viadomyja jeŭrazijskija vydańni i zadavaŭ absurdnyja pytańni.