Vyjšła nastolnaja hulnia «Tutejšyja» sa znakamitymi biełarusami
U Biełarusi zjaviłasia biełaruskamoŭnaja nastołka ab vialikich suajčyńnikach «Tuejšyja». Jana stvorana ŭ kałabaracyi brenda OZ i studyi raspracoŭki nastolnych hulniaŭ «Kubik» z Hrodna, paviedamlaje CityDog.io.
26.02.2023 / 10:10
U hulni pradstaŭlenyja kartki z vyjavami vydatnych biełaruskich dziejačaŭ, takich jak mastak Mark Šahał, paet Uładzimir Karatkievič, kniazioŭna Anastasija Słuckaja i mnohija inšyja. Z takoj nastolnaj hulnioj — sposab viesieła bavić čas i zajmalny šlach daviedacca pra viadomych ludziej, jakija zrabili svoj uniosak u raźvićcio krainy.
Uiavicie, što miežy času ścierlisia, i vybitnyja biełarusy roznych časoŭ apynulisia ŭ ChChI stahoddzi. Ciapier kožny hulec pavinien vybrać svajho piersanaža i adkazvać na niezvyčajnyja pytańni, naprykład: «Što b raskazała Bona Sforca ŭ interv’iu dla hlancavaha časopisa»? «Jaki prynt byŭ by na cišotcy ŭ Vitaŭta»? «Što b rabiła Viera Charužaja padčas zombi-apakalipsisu»? Treba zrazumieć, jakoha dziejača abrali vašyja sapierniki, a jany pavinny adhadać, chto vy. Vyjhraje pieršy, chto znojdzie svajho dvajnika.
Pažadany ŭzrost udzielnikaŭ hulni — ad 14 hadoŭ, ale strohich abmiežavańniaŭ niama. Hulać adnačasova mohuć ad 2 da 6 čałaviek. Praciahłaść — 30-45 chvilin, u zaležnaści ad padrychtavanaści ŭdzielnikaŭ.
U kamplekt uvachodziać:
- 50 kartak z viadomymi biełarusami;
- 25 kartak z pytańniami;
- 12 kartaŭ vybaru;
- brašura z karotkimi bijahrafijami;
- kartki «tak» i «nie»;
- kartki padabajek;
- praviły hulni.
Nabyć nastołku sabie ci ŭ padarunak možna u firmovych kramach sietki, praz dadatak OZ albo na sajcie OZ.by.