Łukašenka prakamientavaŭ płany Kramla dałučyć Biełaruś da 2030 hoda
Dniami žurnalisty-rasśledavalniki paviedamili pra isnavańnie ŭnutranaha dakumienta rasijskich uładaŭ pad nazvaj «Stratehičnyja mety Rasijskaj Fiederacyi ŭ Biełarusi», zhodna ź jakim Rasija źbirajecca da 2030 hoda akupavać Biełaruś. U subotu, 25 lutaha, Alaksandr Łukašenka ahučyŭ svajo bačańnie situacyi.
25.02.2023 / 11:52
Łukašenka zrabiŭ šerah zajaŭ paśla zabiehu na «Minskaj łyžni» ŭ Raŭbičach. Fota: BiełTA
«U nas jość svaja stratehija? Jość. U Rasii, bujnoj jadziernaj dziaržavy, jość svaja stratehija? Jość. I ŭ Rasii ŭ dačynieńni da Biełarusi ŭ tym liku jość svaja stratehija — žyć, jak sa svaimi bratami, u miry i družbie. 100%. Ja ŭ hetym «katle» całkam varusia i ŭdzielničaju ŭ hetym», — zajaviŭ palityk.
«Nas prosta chočuć jašče raz rassiekčy. Tamu paŭstała hetaja tema. Ničoha žyvoha ŭ hetym niama. Maju pazicyju vy viedajecie, jana niaźmiennaja: my niezaležnaja suvierennaja dziaržava», — skazaŭ Alaksandr Łukašenka.