«Vitalur» kančatkova zaviaršyŭ svaju pracu
«Vitalur» spyniŭ svaju dziejnaść. Jak zajavili ŭ kampanii, 21 lutaha byŭ dla hetaj sietki apošnim pracoŭnym dniom.
21.02.2023 / 19:14
Fota: vitalur.by
«Heta była pa-sapraŭdnamu nievierahodnaja historyja: uźloty, padzieńni, novyja adkryćci… pačynajučy z adnaho nievialikaha handlovaha paviljona, za 27 hadoŭ «Vitalur» vyras u adnu z najbujniejšych handlovych sietak Biełarusi, staŭšy lidaram u mnohich halinach i prykładam dla inšych», — skazana ŭ paviedamleńni ŭ Instagram-akaŭncie sietki.
Ale ciapier hetamu pryjšoŭ kaniec.
Kampanija pracavała ŭ Biełarusi z 1995 hoda i vałodała amal sotniaj handlovych abjektaŭ. Ale ŭ apošni hod jana sutyknułasia z finansavymi prablemami, źviazanymi z ciažkaściami ŭ vypłacie hrošaj pastaŭščykam. Urešcie heta skončyłasia chutkim bankructvam i pierachodam kramaŭ «Vitalur» pad kryło inšaj handlovaj sietki — «Santa».