Na prodaž vystavili kvateru Cichanoŭskich
Na aŭkcyjonie pa prodažy majomaści «Bielurzabieśpiačeńnia» vystaŭleny niezvyčajny łot: trochpakajovaja kvatera na praśpiekcie Niezaležnaści, 137/2, zaŭvažyła «Salidarnaść».
17.02.2023 / 21:55
Z vyhladu heta zvyčajnaja typovaja trochpakajoŭka ahulnaj płoščaj 66 kv. m, jakaja pradajecca za daŭhi, ale niezvyčajnaje imia ŭładalnika — Cichanoŭski Siarhiej Leanidavič.
Adznačajecca, što ŭ canu łota ŭvachodziać: «ubudavanaja siekcyjnaja mebla dla kuchni z varačnaj panełlu Gorenje, rakavinaj i źmiašalnikam, z sistemaj ačystki vady, ubudavanaja šafa-kupe z MDF, vitryna sa škła i 2-ch lustraŭ».
Pačatkovaja cana łota — 214 860 rubloŭ.
U žyłla jość «abmiežavańni ŭ rasparadžeńni nieruchomaj majomaściu», jakija, jak abiacajuć pradaŭcy, «buduć źniatyja addziełam prymusovaha vykanańnia pa vynikach prodažu łota». Taksama «ŭ kvatery majucca zarehistravanyja asoby, u tym liku niepaŭnaletnija».
Aŭkcyjon pavinien startavać 6 sakavika.