Biełstat: VUP Biełarusi ŭ studzieni źniziŭsia na 5%
Biełstat zrabiŭ pieršuju acenku vałavoha ŭnutranaha praduktu Biełarusi za studzień 2023 hoda. Jon skłaŭ 15,9 młrd rubloŭ, što ŭ paraŭnańni sa studzieniem 2022 hoda mienš na 5%.
17.02.2023 / 17:23
Indeks-deflatar VUP u hetym miesiacy ŭ adnosinach da studzienia 2022 hoda skłaŭ 110,5%.
U 2022 hodzie VUP Biełarusi skaraciŭsia na 4,7%. Takim čynam, tempy padzieńnia paskorylisia, na što ŭpłyvaje vysokaja baza pieršaha miesiaca 2022 hoda. Paśla dynamika jaŭna pačnie palapšacca, bo padzieńnie VUP u minułym hodzie pačałosia ŭ sakaviku, kali pačało adbivacca rasijskaje ŭvarvańnie va Ukrainu.