«Historyja pakaža, chto bolš robić dla miru». Kiraŭnik Mižnarodnaha alimpijskaha kamiteta prosić palitykaŭ nie leźci ŭ sport
Na dumku kiraŭnika Mižnarodnaha alimpijskaha kamiteta (MAK) Tomasa Bacha, urady nie mohuć prymać rašeńni nakont taho, jakija spartśmieny i ŭ jakich spabornictvach mohuć udzielničać. Heta pakładzie kaniec mižnarodnym spartovym turniram, čempijanatam śvietu i Alimpijskim hulniam u ciapierašnim vyhladzie, zajaviŭ jon 12 lutaha na čempijanacie śvietu pa harnałyžnym sporcie ŭ Kuršaviele, pieradaje «Niamieckaja chvala».
12.02.2023 / 21:13
U 2024 hodzie letnija Alimpijskija hulni projduć u Paryžy. Fota AP
Rašeńnie ab udziele spartśmienaŭ z RF i Biełarusi ŭ mižnarodnych spabornictvach nie pavinna zaležać ad pazicyj uradaŭ, padkreśliŭ Bach, adkazaŭšy takim čynam na zaklik ministraŭ bolš čym 30 krain, jakija vystupili suprać udziełu rasijskich i biełaruskich spartśmienaŭ u Alimpijadzie.
«Historyja pakaža, chto bolš robić dla miru — tyja, chto sprabuje trymać miežy adčynienymi i kamunikavać, abo tyja, chto choča izalavać i raskołvać»,
— dadaŭ jon i ŭ čarhovy raz padkreśliŭ «misiju miru», jakuju pavinien nieści MAK. Adnačasova Bach zaŭvažyŭ, što jaho arhanizacyja padzialaje «hora i čałaviečyja pakuty» ŭkrainskich spartoŭcaŭ i prykładaje značnyja namahańni, kab dapamahčy im.