Aleh Talerčyk pra toje, čamu prakurorami i suddziami lubiać stavić žančyn
Były prakuror Aleh Talerčyk u vypusku «Tok» parazvažaŭ pra toje, adkul biarucca takija prakurorki, jak Valeryja Taratynka i Alina Kaśiančyk, jakija ŭdzielničali ŭ palityčnych spravach.
12.02.2023 / 20:55
Fota: pac.by i «Naša Niva»
«Koła represij maje žanočy tvar, što suddzi, što prakurory. Heta nievypadkova», — ličyć Aleh Talerčyk.
«U apošnija hady ŭ prakuratury šmat pryznačali na pasady kiraŭnikoŭ žančyn, jany zaŭsiody addana vykonvali zahad, kab pakazać, što ja lepšaja za mužčyn, bolš sprytnaja. I abaranić siamju — bo ŭ orhanach prakuratury niebłahi zarobak atrymlivaješ.
Toj ža Sukała naŭmysna nabiraje bolš žančyn. Bo toj ža mužčyna moža praz niejki čas złamacca, jon mienš psichałahična ŭstojlivy», — kaža były bajpołaviec.
Skryn videa «Tok»
Moža, na maładych spravy skidajuć daśviedčanyja kalehi, jakija nie chočuć zapeckacca? Talerčyk ličyć, što takoha ŭžo niama, bo tyja, chto byŭ niazhodny, syšli.