U Hiermanii patrapiŭ u avaryju aŭtobus z biełarusami
U Hiermanii ŭ piatnicu ŭ avaryju patrapiŭ aŭtobus, u jakim jechali 12 biełarusaŭ, paviedamiła zahadčyca siektara apieratyŭnaj infarmacyi MZS Alaksandra Škoda.
12.02.2023 / 15:21
Pavodle infarmacyi biełaruskaha pasolstva, DTZ adbyłosia na 105-m kiłamietry fiederalnaj aŭtastrady A2 u kirunku horada Hanoviera.
«U rejsavym aŭtobusie znachodziłasia 12 hramadzian Biełarusi, 7 ź jakich atrymali lohkija traŭmy», — udakładnili ŭ pres-słužbie MZS Biełarusi.
Niamieckija SMI paviedamlajuć, što heta byŭ polski aŭtobus, jaki ruchaŭsia z Varšavy ŭ Bielhiju. Na jaho borcie byli pasažyry z Polščy, Ukrainy, Biełarusi i Bielhii.
Pa papiarednich źviestkach, aŭtobus źjechaŭ z darohi kala troch hadzin ranicy ŭ piatnicu. U vyniku hetaha jon pieraviarnuŭsia i zastaŭsia lažać na dachu pobač z šašoj.
Pa słovach palicyi, pravierka kiroŭcy na miescy na ałkatestary dała admoŭny vynik. Trasa na Hanovier praz DTZ była pierakrytaja dźvie hadziny.