Учора ўвечары расіяне нанеслі ракетныя ўдары па Харкаве
У горадзе прагучалі некалькі выбухаў. Мэр Харкава паведаміў, што ракетныя ўдары здзяйсняліся, верагодна, ракетамі С-300.
12.02.2023 / 09:49
Кіраўнік абласной адміністрацыі Алег Сінягубаў напісаў, што ў горадзе ўзарваліся тры ракеты.
«Пашкоджаны адзін з інфраструктурных абʼектаў. Інфармацыя аб пацярпелых і маштабах разбурэнняў удакладняецца», — напісаў Сінягубаў.
Пасля стала вядома, што 35-гадовы мужчына ў выніку гэтых налётаў атрымаў асколачнае раненне, ён шпіталізаваны.