U Iŭjeŭskim rajonie aŭtamabil z padletkami trapiŭ u DTZ. Za rulom byŭ 15-hadovy
Zdareńnie adbyłosia ŭ 22:20 u piatnicu na darozie Lipniški — Lida, paviedamlaje hrodzienskaja milicyja.
11.02.2023 / 13:25
Na trecim kiłamietry hetaj darohi vadziciel «Piežo» straciŭ kiravańnie, źjechaŭ u kiuviet i pierakuliŭsia. U vyniku avaryi jaho 16-hadovy pasažyr atrymaŭ šmatlikija pierałomy, ź jakimi jon špitalizavany ŭ Lidskuju balnicu.
Raniej kiroŭca ŭžo pryciahvaŭsia da kryminalnaj adkaznaści za kradziež. A jaho pasažyr-školnik byŭ u stanie ałkaholnaha apjanieńnia. U aŭtamabili znachodzilisia jašče dva niepaŭnaletnija pasažyry — jany surjoznych traŭmaŭ nie atrymali.
Dziejańniam padletkaŭ, a taksama ich baćkam pa naležnym vykanańni baćkoŭskich abaviazkaŭ budzie dadziena adpaviednaja acenka, padkreślivajuć u milicyi.