Байдэн наведае Польшчу перад гадавінай расійскага ўварвання ва Украіну
Візіт адбудзецца 20-22 лютага, паведамляе прэс-сакратар Белага дома Карын Жан-П'ер.
11.02.2023 / 10:47
Фота: Alex Brandon / AP
Прэзідэнт ЗША сустрэнецца з Анджэем Дудам. Бакі маюць намер абмеркаваць двухбаковае супрацоўніцтва, калектыўныя намаганні па падтрымцы Украіны і ўмацаванні стрымлівання НАТА.
Ён таксама сустрэнецца з лідарамі «Бухарэсцкай дзявяткі» (B9), групы саюзнікаў па НАТА на ўсходнім флангу, каб «пацвердзіць нязменную падтрымку Злучанымі Штатамі бяспекі Альянсу».
Таксама амерыканскі прэзідэнт выступіць з прамовай з нагоды гадавіны ўварвання Расіі ва Украіну і запэўніць, што ЗША будуць працягваць падтрымліваць народ Украіны «датуль, пакуль гэта спатрэбіцца».
Мінулы раз Байдэн быў у Польшчы ў мінулым сакавіку.