U hetym hodzie biełaruska ŭ kosmas nie palacić
Pra toje, što anansavany palot u kosmas kasmanaŭtki ź Biełarusi adkładajecca na paŭhoda, u intervju RIA «Novosti» skazaŭ hiendyrektar rasijskaha «Raskosmasa» Juryj Barysaŭ. Pryčynaj pieranosu jon nazvaŭ niaspraŭnuju sistemu achaładžeńnia na arbitalnaj stancyi.
10.02.2023 / 16:52
Pieršapačatkova palot biełaruskaj kasmanaŭtki byŭ zapłanavany na vosień 2023-ha. Ale raniej užo źjaŭlałasia infarmacyja, što jaho mohuć pieranieści.
Pieršym kasmanaŭtam ad niezaležnaj Respubliki Biełaruś pavinna stać žančyna, pretendentak pakul šeść, i kandydatury asnoŭnaj kasmanaŭtki i jaje dublorki pakul nie vyznačanyja.