U Rasii chočuć zabaranić ŚMI pisać pra turemnaje minułaje «vahnieraŭcaŭ»
Adpaviednyja papraŭki raspracavanyja pa daručeńni śpikiera Dziarždumy Viačasłava Vałodzina Kamitetam pa biaśpiecy i supraćdziejańni karupcyi, pišuć «Viedamaści» sa spasyłkaj na kiraŭnika kamiteta Vasila Piskarova.
08.02.2023 / 13:31
Fota ilustracyjnaje
Raniej stvaralnik PVK «Vahnier» Jaŭhien Pryhožyn źviarnuŭsia da Vałodzina z prapanovaj unieści ŭ Kryminalny kodeks Rasii novy artykuł «Ab dyskredytacyi ŭdzielnikaŭ bajavych dziejańniaŭ, dobraachvotnikaŭ, u tym liku byłych asudžanych», a taksama zabaranić publikavać infarmacyju ab ich «minułych pravaparušeńniach».
Usiaho «Vahnieru» pa roznych acenkach udałosia zavierbavać kala 40—50 tysiač byłych źniavolenych. Dniami ŚMI pačali publikavać infarmacyju pra novuju chvalu viarboŭki — tym, chto admaŭlajecca, pahražajuć novymi kryminalnymi spravami.
Što tyčycca pracy ŚMI, z pačatku vajny ŭ Rasii dziejničaje režym vajennaj cenzury. Miedyja, jakija nazyvajuć vajnu vajnoj, a nie «śpiecyjalnaj vajennaj apieracyjaj», błakujucca i zakryvajucca.