U Hrodzienskim rajonie mužčyna skraŭ u carkvie zvany. Ale pradavać ich nie źbiraŭsia
Usio adbyłosia jašče viasnoj minułaha hoda. Padrabiaznaści historyi raskazvaje hrodzienskaja milicyja.
08.02.2023 / 11:02
U 29-hadovaha žychara miastečka Sapockin nie zadalisia adnosiny z novym nastajacielem miascovaha chrama. Mužčyna z samaha dziacinstva prychodziŭ u carkvu i dapamahaŭ pa haspadarčych pytańniach. I ŭsio było dobra, pakul tudy nie pryjšoŭ inšy śviatar. Mienavita hety fakt i pryvioŭ da kradziažu.
Mužčyna viedaŭ, što ŭ carkvie majucca partatyŭnyja zvany, a voś novy nastajaciel nie viedaŭ. Ich raniej nabyli na achviaravańni viernikaŭ i dastavali tolki padčas śviat. Mienavita ludzi zaŭvažyli prapažu zvanoŭ i ŭ pačatku 2023 hoda paviedamili ŭ milicyju.
Akazałasia, što pamočnik chrama nazło novamu nastajacielu pieranios ich da siabie ŭ chleŭ. Darečy, adzin sa zvanoŭ vyrableny z bronzy i važyć amal vosiem kiłahramaŭ, a ahulny ŭron skłaŭ 1000 rubloŭ.
Mužčyna nie zmoh patłumačyć, što chacieŭ zrabić z carkoŭnymi atrybutami, adnak pradavać ich dakładna nie źbiraŭsia.