Bajden — pasłu Ukrainy: My budziem stajać z vami stolki, kolki spatrebicca
Prezident ZŠA Džo Bajden padčas štohadovaha pasłańnia da Kanhresa źviarnuŭsia da pasła Ukrainy Aksany Makaravaj, jakaja znachodziłasia ŭ zale, paprasiŭ jaje ŭstać, a astatnich prysutnych pavitać jaje apładyśmientami.
08.02.2023 / 08:27
Džo Bajden z Uładzimiram Zialenskim u Biełym domie ŭ śniežni 2022 hoda. AP Photo/Patrick Semansky
«My abjadnali NATA i sabrali hłabalnuju kaalicyju. My vystupili suprać ahresii Pucina. My ŭstali pobač z ukrainskim narodam. I siońnia z nami znoŭ ambasadar Ukrainy ŭ Złučanych Štatach. Jana pradstaŭlaje nie prosta svaju nacyju, a mužnaść svajho naroda. Pasoł, Amieryka adzinaja ŭ padtrymcy vašaj krainy. My budziem stajać z vami stolki, kolki spatrebicca», — skazaŭ prezident.
Temie vajny va Ukrainie ŭ pramovie Bajdena było pryśviečana ŭsiaho niekalki fraz, da momantu hetaj sceny z pasłom jon pramaŭlaŭ užo nie mienš za hadzinu.