Ukrainskija ŭnijaty pierachodzić na hryharyjanski kalandar, Vialikdzień — vyklučeńnie
Z 1 vieraśnia 2023 hoda Ukrainskaja Hreka-Katalickaja Carkva va Ukrainie pierachodzić na novy styl dla nieruchomych śviataŭ z zachavańniem dziejnaj Paschalii. Pra heta paviedamiŭ kiraŭnik UHKC mitrapalit Śviatasłaŭ.
06.02.2023 / 19:05
Patryjaršy sabor Uvaskrasieńnia Chrysta ŭ Kijevie — hałoŭny chram UHKC. Fota: ugcc.church
Pavodle mitrapalita Śviatasłava, «pryniaŭšy pad uvahu šmatlikija prośby viernikaŭ i pravioŭšy papiarednija kansultacyi z duchavienstvam i manastvam našaj Carkvy», na 93-j siesii Archijerejskaha Sinoda UHKC va Ukrainie, jakaja adbyłasia 1-2 lutaha 2023 hoda, było pryniataje rašeńnie
UHKC va Ukrainie pierajści z 1 vieraśnia 2023 hoda Božaha na novy styl dla nieruchomych śviataŭ z zachavańniem dziejnaj Paschalii.
Praŭda, dla tych parafij abo asobnych hramad, jakija adčuvajuć siabie jašče niehatovymi da takoha kroku, praduhledžvajecca mahčymaść liturhičnaha žyćcia pa jułijanskim kalendary da 2025 hoda.