63 rasijskich pałonnych abmianiali na 116 ukrainskich
Ukraina taksama viarnuła cieły troch zahinułych.
04.02.2023 / 12:41
Fota z telehram-kanała Andreja Jarmaka
«Nam udałosia viarnuć 116 našych ludziej, abaroncaŭ Maryupala, chiersonskich partyzan, snajpieraŭ z Bachmuckaha kirunku i inšych našych hierojaŭ. 87 voinaŭ USU, dvoje ź jakich — z SSA.
Vosiem bajcoŭ terytaryjalnaj abarony, siamiora z Nachvardyi, šaściora z Nacpalicyi, piaciora z Pamiežnaj słužby, dvoje z VMS i adzin pradstaŭnik DSNS. Ź ich dvoje aficeraŭ i 114 radavych i siaržantaŭ», — napisaŭ u siabie ŭ telehramie kiraŭnik Ofisa prezidenta Ukrainy Andrej Jarmak.
Akramia taho, udałosia viarnuć cieły zahinułych zamiežnych vałancioraŭ-dobraachvotnikaŭ — Krystafiera Mećiu Pery i Endru Tobiasa Mećiu, a taksama cieła zahinułaha voina-dobraachvotnika — ŭkrainca, jaki słužyŭ u francuzskim Zamiežnym lehijonie i paśla pačatku vajny viarnuŭsia abaraniać Ukrainu — Jaŭhiena Kulika, dadaŭ Andrej Jarmak.
Ministerstva abarony Rasii, u svaju čarhu, zajaviła pra viartańnie z pałonu 63 svaich pałonnych. Rasijski bok paviedamlaje, što abmien adbyŭsia pry pasiarednictvie Abjadnanych Arabskich Emirataŭ.