Stała viadoma, jak nazavuć industryjalny park u Baranavičach
Staršynia Baranavickaha rajvykankama Michaił Bacenka ŭ fejsbuku paviedamiŭ pra pošuk patencyjnych inviestaraŭ i rezidentaŭ dla industryjalnaha parku, pra płany stvareńnia jakoha ŭ Baranavičach rehularna havorać na roznych uzroŭniach sa žniŭnia minułaha hoda. Siarod inšaha stała viadoma, jak hety park budzie nazyvacca.
03.02.2023 / 00:16
Vierahodna, park budzie mieć biełaruskamoŭnuju nazvu — «Burštyn».
U žniŭni minułaha hoda premjer-ministr Raman Hałoŭčanka paviedamiŭ, što ŭ Baranavičach budzie stvoranaja placoŭka, na jakuju inviestar moža pryjści prosta z abstalavańniem. Usio astatniaje, pa jaho słovach, budzie zabiaśpiečvacca dziaržavaj.
Placoŭku płanavałasia pryznačyć dla biełaruskich pradprymalnikaŭ, jakija mahli b atrymać tut padatkovyja lhoty. Ale paśla havaryłasia, što ŭ prajekt prapanoŭvałasia aktyŭna ŭklučycca biznesu z rasijskaha Tatarstana.