Paŭnočnaja Kareja rychtujecca adpravić niekalki socień čałaviek u anieksavanyja Rasijaj «DNR» i «ŁNR»
U studzieni ŭrad KNDR daručyŭ źviazanym ź ministerstvam abarony krainy kampanijam adabrać maładych ludziej va ŭzroście ad 19 da 27 hadoŭ ź liku supracoŭnikaŭ.
02.02.2023 / 20:06
Fota: AP Photo/Cha Song Ho, File
Vydańnie Daily NK miarkuje, što ŭ «DNR» i «ŁNR» buduć adpraŭlenyja vajskoŭcy i palicejskija. Ale jany buduć nibyta nie vajavać, a zajmacca adnaŭlenčymi pracami ŭ razburanych vajnoj haradach. Sałdat i palicejskich, jak śćviardžaje vydańnie, lahčej kantralavać, čym cyvilnych.
Paŭnočnakarejcy pavinny być žanatyja, kab členy ich siamji zastavalisia ŭ krainie — heta nibyta dapamoža paźbiehnuć deziercirstva siarod kamandziravanych.
Daily NK miarkuje, što pieršaja partyja z 300-500 čałaviek adpravicca va Ukrainu ŭ kancy lutaha ci ŭ sakaviku.