Na čyhuncy za hod złavili 7400 «zajcaŭ»
Za minuły hod kantralory-revizory Biełaruskaj čyhunki złavili 7400 bieźbiletnikaŭ. Kantralory pravieryli apłatu prajezdu ŭ 52 tysiačach ciahnikoŭ — u asnoŭnym rehijanalnych i haradskich linij ekanomkłasa. Z «zajcaŭ» udałosia spahnać 241,1 tysiačy rubloŭ štrafaŭ, paviedamili ŭ pres-słužbie BČ.
01.02.2023 / 17:31
U novym hodzie pravierki kvitkoŭ abiacajuć jašče ŭzmacnić. Zapłanavana praviadzieńnie hrupavoha kantrolu, padčas jakoha praviarajuć da 90% ciahnikoŭ rehijanalnych linij ekanomkłasa, jakija kursujuć na kankretnym učastku. Budzie arhanizavany i sucelny kantrol takich ciahnikoŭ na ŭsim šlachu ruchu.
Pamier štrafaŭ ciapier zaležyć ad typu ciahnikoŭ:
- u ciahnikach haradskich linij — ad 0,5 da 1 bazavaj vieličyni (ad 18,5 da 37 rubloŭ);
- u ciahnikach rehijanalnych linij — 0,7 bazavaj vieličyni (25,9 rubla);
- u ciahnikach mižrehijanalnych i mižnarodnych linij — 1 bazavaja vieličynia.
Za kureńnie ŭ ciahniku pahražaje štraf da 4 bazavych vieličyń (148 rubloŭ).