Recept na vychadnyja. Śvinina pa-ispansku (prueba de cerdo) — duchmianaja asałoda
Prueba de cerdo pierakładajecca ź ispanskaj jak «pravierka śvininy». Čamu takaja nazva? Tamu što niekali hetuju stravu hatavali sa śviežyny ŭ dzień, kali bili kabančyka. Raniej takoje zdarałasia raz ci paru razoŭ na hod. Ciapier my možam nabyvać śviežynu ŭ luby čas.
05.02.2023 / 10:48
Fota: cookipedia.co.uk
Kab zhatavać marynavanuju śvininu pa-ispansku, vam spatrebicca:
- 1 kiłahram śvinoha file, narezany kavałkami taŭščynioj 1 santymietr
- 2 čajnyja łyžki sušanaj papryki
- 60 mililitraŭ aliŭkavaha aleju
- 1 vialikaja cybulina (narezanaja)
- 1—2 hałoŭki časnaku (tonka narezanyja)
- 2—3 piercy čyli ci kajenskija, možna zamianić mołatym čyrvonym piercam
- trochi zdrobnienaha arehana
- 1 łaŭrovy list
- 180 mililitraŭ haračaha bulonu ci vady
- 60 mililitraŭ čyrvonaha vinnaha ci jabłyčnaha vocatu
- 2—3 stałovyja łyžki drobna parezanaj piatruški.
- Natrycie miasa paprykaj i pakińcie jaho pry pakajovaj tempieratury na 1—2 hadziny.
- Razahrejcie na patelni alej, pakul jon nie stanie vielmi haračym.
- Pakładzicie na patelniu śvininu. Kali jana budzie całkam absmažanaja, dadajcie da jaje cybulu, časnok, pierac čyli, arehana i łaŭrovy list. Možacie pamienšyć ci pavialičyć kolkaść časnaku i piercu čyli, kali ličycie patrebnym. Smažcie, pakul cybula nie stanie miakkaj, čas ad času pamiešvajcie.
- Dadajcie 90 mililitraŭ vady i 30 mililitraŭ vocatu. Tušycie miasa, pakul vadkaść nie vyparycca, a potym znoŭ dadajcie reštki vady i vocatu. Tušycie miasa dalej, pakul na patelni nie zastaniecca minimum vadkaści — 1—2 stałovyja łyžki.
- Upryhožcie pryhatavanuju śvininu, možna zielaninaj, i padavajcie.