Jašče adzin bank pačaŭ vydavać kredyty na nieruchomaść
Technabank z 30 studzienia zapuściŭ kredyt na nieruchomaść. Jaho možna atrymać na hatovyja kvatery ŭ šmatkvaternych i błakiravanych damach i ŭ adnakvaternych žyłych damach.
30.01.2023 / 11:54
Minimalnaja suma pa kredycie «Miły dom» — 15 tysiač rubloŭ, maksimalnaja — 500 tysiač rubloŭ. Adnak u kožnym vypadku sumu vyznačajuć indyvidualna, jana zaležyć ad kredytazdolnaści klijenta. Pry hetym pazyka nie moža pieravyšać 80% koštu žylla.
Termin kredytavańnia — da 15 hadoŭ. Ale jość abmiežavańni dla tych, kamu da vychadu na piensiju zastałosia mienš, čym hety pieryjad. U takim vypadku maksimalny termin kredytavańnia składzie tuju kolkaść hadoŭ, kolki čałavieku zastałosia da vychadu na zasłužany adpačynak.
Pracentnaja staŭka — 16,9% hadavych, hrošy banku treba addavać roŭnymi dolami. Jość mahčymaść daterminovaha pahašeńnia bieź źbirańnia kamisii. Zabieśpiačeńnie kredytu pad zakład žylla.
«U raźlik sukupnaha dachodu moža prymacca dachod blizkich svajakoŭ (nie bolš za dvuch). U takim vypadku sa svajakami zaklučajecca dahavor paručycielstva», — udakładniaje bank.