У музычным шоу «Фактар.бай» на БТ перамог удзельнік з Расіі
У якасці галоўнага прыза хлопец атрымаў машыну Geely.
29.01.2023 / 14:33
Фота: тэлеграм-канал БТ
Пераможцам шоу «Фактар.бай» на БТ стаў Іван Дзятлаў. Ён прыехаў з Расіі. Расказваў, што ў 12 гадоў яму пашанцавала спець з Іосіфам Кабзонам, гэта сустрэча стала вырашальнай для яго.
Настаўнікам Івана на праекце быў музычны крытык Сяргей Саседаў.
«Фактар.бай» па сутнасці копія шоу талентаў «Х-фактар». Франшызы на арыгінальную перадачу беларускае тэлебачанне пазбавілася праз санкцыі.
Настаўнікамі праекта, апроч Саседава, былі Вольга Бузава, рэпер Сярога і Руслан Аляхно.