Što adkryjuć na miescy daŭhabuda «Mahnit Minska»
Daŭhabud «Mahnit Minska» na pierasiačeńni praśpiekta Niezaležnaści i vulicy Kiryły Turaŭskaha pačali budavać jašče ŭ 2009-m.
29.01.2023 / 12:57
Fota: Realt.by
Iranski inviestar raźličvaŭ pabudavać šmatfunkcyjanalny kompleks. Adnak tak i nie davioŭ spravu da kanca.
U kancy listapada 2022-ha daŭhabud vystavili na aŭkcyjon. Jaho raźličvali pradać za 4 młrd dalaraŭ, ale achvotnych udzielničać u tarhach nie było.
Ciapier staŭ viadomy jaho dalejšy los.
Abjekt byŭ pieradadzieny ŭ kamunalnuju ŭłasnaść, zakazčykam vyznačany UKB Minharvykankama. Jaho dabudujuć i na pieršych pavierchach raźmieściać šmatfunkcyjanalny handlovy kompleks. Tam buduć pradavacca tavary z usich rehijonaŭ Biełarusi, raspaviała na ANT staršynia kamiteta budaŭnictva i inviestycyj Minharvykankama Iryna Hontarava.
U astatniaj častcy, jakaja vychodzić na praśpiekt Niezaležnaści, budzie raźmiaščacca arendnaje žyłlo.